Ceredigion: Lansiad Fferm Laeth Strategol Sychpant – Bridio i wneud pob buwch yn broffidiol

Ymunwch â ni ar gyfer lansiad Fferm Laeth Strategol newydd AHDB, lle byddwn yn cyflwyno ein Ffermwr Llaeth Strategol newydd, Marcus Ferraro o Geredigion.

Read in English

Yn ogystal â chyflwyniad i gefndir y fferm, gan gynnwys taith o’i hamgylch, byddwn yn trafod sut i wella buches drwy gynyddu dealltwriaeth o eneteg.

Bydd y rhaglen tair blynedd hon yn canolbwyntio ar wella’r busnes – ond er mwyn gwneud cynnydd, rhaid ichi yn gyntaf wybod ble rydych chi arni ar hyn o bryd. Felly, pa offer sydd ar gael i’ch helpu i fesur a meincnodi perfformiad eich buches?

Gyda chostau mewnbwn yn dynn a llafur yn brin, rhaid i bob buwch ar eich fferm gyfrannu at yr elw sylfaenol. Mae deall pa anifeiliaid sy’n gwneud elw, a pha rai sy’n cael eu cario, yn fwy hanfodol nag erioed.

Bydd y cyfarfod yn cynnwys

• Taith o amgylch y fferm a chyfle i ddysgu mwy gan y perchnogion am eu busnes a’u ffigurau perfformio gyda’r ymgynghorydd fferm, Anna Bowen
• Sut y gall mynegai bridio helpu buchesi i nodi a chanolbwyntio re u hanifeiliaid mwyaf proffidiol, gyda Phennaeth Geneteg Anifeiliaid AHDB, Marco Winters
• Rôl genomeg a sut y gallu helpu i wneud gwell penderfyniadau bridio
• Gweledigaeth hirdymor y ffermwyr ar gyfer y fferm a’r amcanion dros y tair blynedd nesaf fel rhan o’r rhwydwaith Ffermydd Llaeth Strategol

P’un ai ydych chi eisoes yn tracio data genetig neu ar fin dechrau arni, bydd y cyfarfod hwn yn cynnig offer a syniadau ymarferol, seiliedig ar ymchwil, i’ch helpu i wella effeithlonrwydd a phroffidioldeb eich busnes.

Am fferm Sychpant

Mae fferm Sychpant yng Nghastellnewydd Emlyn, Ceredigion yn berchen i, ac yn cael ei rheoli gan Marcus Ferraro a’i deulu.

Maen nhw’n godro 300 o fuchod ProCROSS mewn parlwr 16/32, ar gymysgedd o 60  hectar o dir sy’n berchen iddyn nhw a 122 hectar o dir rhent.

Mae eu buchod yn cynhyrchu 6,500 litr yr un ar gyfartaledd, gyda 3.65% protein a 4.52% braster menyn.